ذكاء امرأة......

ملك......سأل الشعب.....سؤال وقال اللي يجاوب عليه صح!!
راح أعطيه فلوس مرة كتير وكل شي بدو ياه والسؤال ايش أكثر شي وايش اكبر شي؟؟

راح الخادم على بيته وقاعد يفكر
اجت بنته وقالت:ايش فيك؟؟

اليوم الملك سأل الشعب سؤال وقال اللي يجاوب عليه راح يعطيه فلوس وكل اللي يدو ياه
وانا مو عارف الإيجابة
البنت:ايش هو السؤال؟؟
الخادم:ايش اكبر شي وايش اكثر شي؟
البنت:روح عند الملك وقلو اكبر شي ارضك واكثر شي مالك.
راح الخادم عند الملك وقلو: يا ملك أنا لقيت إجابة لسؤالك!
قال الملك:تفضل
الخادم:اكثر شي مالك واكبر شي ارضك
الملك:مين قلك الإجابة؟؟
الخادم:بنتي
الملك:طيب روح قلها
لابسة وماهي لابسة...ماشية وماهي ماشية...هدية وماهي هدية؟؟؟
الخادم:راح عند بنته وقالها:الملك يقولك: لابسة وماهي لابسة...ماشية وماهي ماشية...هدية وماهي هدية؟؟؟
قالت البنت:طيب روح جيب لي شبكة وغنمة ولحمة
استغرب الأب [الخادم] من الطلبات بس راح وجابلها لبست البنت الشبكة وركبت الغنمة ومسكت اللحمة وراحت ودخلت عند الملك وقالت:
يا ملك...أنا لابسة شبكة وما لابسة
وماشية بس على رجولي على غنمة
وهذي لحمة أنت تعتبرها هدية ولا ما هدية
الملك اعجب بذكاء البنت وقالها تتزوجيني؟؟
اتزوجت بنت الخادم بالملك وعاشوا في سبات وبنات وخلفوا صبيان وبنات....
************
المهم بعد سنين....كان في خادم من الخدم اعطاه الملك حصان هدية
وفي يوم نام الخادم ونسي انه يأكل الحصان قام هاج الحصان
فجاه الملك وطرد الخادم وقلو هات الحصان ورووح راح الخادم وهو زعلااان
المهم شافته الملكة...وقالتله ايش فيك...قاله:الملك طردني واخذ مني الحصان
قامت قالت له:خذ صنارة واقعد اصطاد سمك
ولو جاك الملك وقلك ايش تسوي قله اذا انت ما رزقتني يمكن ربي يرزقني...سوا الخادم متل ما قالتله الملكة
الخادم:اذا انت ما رزقتني يمكن ربي يرزقني
قام قال الملك:مين قلك تقول كذا
الخادم:الملكة
عصب الملك وطفش من ذكاء البنت وراح لها
وقال لها:شوفي يا بنت الناس لمي اغراضك وروحي على بيت اهلك
بس قبل ما تروحي سويلي شاي وخذي اغلى شي عندك
قامت البنت سوت له شاي وحطت له فيه منوم
المهم صحي الملك...ولقى نفسه في بيت الخادم [ابو البنت]
قام قال:ايش اللي جابني هنا!!
البنت:مو انت قلت لي روحي بيت اهلك وخذي اغلى شي عندك!!
وانت اغلى شي عندي!!!

مشكورة عل قصة الحلوة
^_^

اهلين فراس منور الصفحة