مواصفات الزوج الخائن

- موبايلو دائما مقفول بكلمة سر..وأحيانا بكلمتين..

2- كل ما تدقي عليه بيطلع (مشغول) وسبحان يلي خلقو بالبيت موبايل ما بيرن أبدا..مو مشان شي بس لأنو بيكون حاطو صامت يا هبلا..

3- اذا نسى موبايلو وهو نازل ع الدكانه أو ع الصيدليه بيرجع متل الصاروخ مشان ياخدو..حريص يا بعدي..

4- بيفهمك إنو بيضطر يستعمل الأله الحاسبة يلي بالموبايل كتير..بس هوا بالواقع يا حبيبتي بيكون عم يبعت مسجات..

5- فاتورة الموبايل هي رح يكون حلم حياتك إنك تشوفيها..لأنها مباشرة من شركة الإتصالات عالحرق فورا..
6- لما يروح ينام بيقفل الموبايل تبعو..مو مشان سواد عيونك..بس بيخاف صاحبتو ترن عليه أو صاحبتونفسها بتكون طلبت منو يسكرو مشان تضمن إو ما يغازل حدا غيرها ..بتغارعليه يابعدي..
7- عندو ردود إستباقية..يعني إذا دق موبايلو بيقللك هاد واحد وسخ زنخ مابدي أرد عليه بدووووووووون ما تسأليه مين..!!
8- دائما عندو إرتباط عجيب بين المسج والرنه والطلعه من البيت..أبصر شو العلاقة بينهم بس لازم يهرب من البيت بعد الرنه أو المسج ..ما بحط بذمتي لوين بيروح وبيغط..
9- بيحكي بالموبايل من مواقع غريبة ودائما لازم هالموقع يكون إلو باب مشان يسكرو وراه ..حمام..مطبخ ..المهم إلو باب بيتسكر..
10- في أسماء غريبة دائما بموبايلو مثلا:

عنتر= عبير

أنور= نوره

ووتر= مي

أبو صالح= باميلا أندرسون

شريف = شاكيرا
11- فجأه بيصير حبيب معك بدون سبب (هي بتتسمى عقدة الذنب)

12- ما بيمنعك من الروحه لاي مكان ... لانو بدو يخلص منك يا هبله دايماً بيقلك روحي انبسطي حبيبتي.. الله يسرلك والقلب داعيلك..

13- دايماً عندو شغل بحمص أو بحلب ويمكن ببيروت ليله وحده وبيرجع!!مابيطول العين تحرسو

14- اذا رحتي على بيت اهلك بيدق عليكي وبيقلك اذا مبسوطه مع اخواتك حبيبتي نامي اليوم عندهم مو مشكلة تسلميلي..





الخلاصة :



اذا توفر 3 من الشروط السابقه يمكن انك عم تتوهمي بس ديري بالك..



اذا توفر 5 من المواصفات السابقه خافي على زوجك وبلشي شكي بالموضوع..



اذا توفرت 8 من الصفات السابقه اكيييد بيكون عم يخونك يا جذبه..



اذا توفرت 10 من المواصفات السابقه اي بدي أقطع ايدي اذا ماعم يخونك..



اذا توفرت 14 سبب كامله نصيحتي تقومي تضبي غراضك و شنتتك وروحي على بيت اهلك..

الله يستر فتحت العيون علينااا

ههههههههههههههههههههههههههه
شكرا عل مرور ميماتي

هههههه ومنكم نستفيد والله يافراس قدمتلنا شيء بفيدنا كتير احنا النسوان هههههه
مشكور

ههههههههههههههههه على اساس كتير تخاف ميماتي وعامل حساب